We've added ads to help keep the platform running and improving for you.

Jalwa Numa Noor e Khuda Not Verified

Khawaja Shouq

Jalwa-numa hai noor-e-Khuda kis hunar ke saath Kaunain chal rahe hain mizaj-e-nazar ke saath


Hairat nahin jo khalq hai wabasta dar ke saath Khallaq-e-kainaat hai Khair-ul-Bashar ke saath


Wabasta sab hain Sahib-e-Shaqq-ul-Qamar ke saath Daman ke saath kuch hain toh kuch sang-e-dar ke saath


Aata hai jab khayal-e-Nabi chashm-e-tar ke saath Hum khud bhi kho gaye jaate hain apni nazar ke saath



Why Screenshot When You Can Download? Get the App for Efficient Storage!

Get it on Google Play


Mumkin nahin ke dil toh ho noor-e-Nabi na ho Maalik bhi ghar ka rehta hai ghar ke saath


Ain-e-Khuda na ain-e-bashar hai woh noor-e-kul Pairahan-e-bashar se hai nisbat bashar ke saath


Imaan wali aankh mein Aaqa kuch aur hain Dekha toh kafiron ne bhi hai chashm-e-sar ke saath


Qausain ka maqam toh noor-e-azal ka hai Jibreel kaise jaate wahan baal-o-par ke saath


Aaqa jo khush-naseeb hain qadmon ke saath hain Rehne do shauq ko bhi pada sang-e-dar ke saath

Stop Wasting Storage - Download Lyrics in Lightweight Text Format!

Get it on Google Play

midhah-logo-grey© 2026 Midhah