Aankh Bhar Kar Kise Qosain Makeen Dekhte Hain

آنکھ بھر کر کسے قوسین مکیں دیکھتے ہیں آنکھ رہتی ہے کہیں اور کہیں دیکھتے ہیں سیرت پاک کا ہر رخ ہے منور اتنا جگمگاتی ہوئی قرآں کی جبیں دیکھتے ہیں

دائرہ کتنا ہے نظروں کا خدا ہی جانے عرش اور فرش کو یکساں شہ دیں دیکھتے ہیں

ان کی عظمت کو کہاں فرش نشیں سمجھیں گے جن کو حیرت سے سب افلاک نشیں دیکھتے ہیں روح کرتی ہے طوافِ در اقدس جب بھی ہم تو سرتا بہ قدم خود کو جبیں دیکھتے ہیں

No Internet? No Problem! Get the App for Offline Lyrics!

اس قدر گنبد خضریٰ کی فضا روشن ہے دیکھنے والے خدا کو بھی یہیں دیکھتے ہیں

شوقؔ موقوف نہیں عشق نبی قربت پر دور والے بھی انہیں دل کے قریں دیکھتے ہیں