Khudae Pak ka Qosain kab Thikana hai

خداۓ پاک کا قوسین کب ٹھکانا ہے فقط مقام نبی خلق کو دکھانا ہے

حرا بھی کُنتُ نبّیاً کا جلوہ خانہ ہے ظہور بود میں ہے سلسلہ پرانا ہے

شہود و غیب ہیں دونوں تجلیاں ان کی مکاں میں رہتے ہوۓ لامکاں ٹھکانہ ہے

خدا کی جلوہ گری کا عجب فسانہ ہے نبی کو دیکھ کے ایماں خدا پہ لانا ہے

کسے ہے منزل قوسین کی خبراب تک کہ آگے سدرہ کے "راز درون خانہ" ہے

تمہی ہومقصدِ تخلیقِ کائنات آقا تمہارا نور ہی خلقت کا تانا بانا ہے

رموز جادۃ عشق رسول ایسے ہیں یہاں جو بن گیا دیوانہ وہ سیانا ہے

کڑی ہے دھوپ تو کیا حادثات عالم میں سروں پہ گنبد خضریٰ کا شامیانہ ہے

نبی شناس تو ہیں ہر زمانے میں لیکن یہ دیکھنا ہے انہیں کس نے کتنا جانا ہے

بشر کی فکر و نظر شوق کام کیا دے گی جمالِ حق بہ لباس پیمبرانہ ہے