Zameen Pe Utare Jo Anwar

زمیں پہ اترے جو انوار لامکاں والے اڑان بھول گۓ اپنی آسماں والے

جو چاہیں کہہ لیں قیاسات ہیں غلط سب کے کمان سے ہی نہیں نکلے دو کماں والے

مقام لاکھ ہوں تسکین قلب و جاں کےلۓ نظارے اور ہیں طیبہ کے گلستاں والے

مکاں میں آتو گۓ نور لامکاں کب سے مگر چھپے نہیں، انداز لامکاں والے

Find Your Favorite Lyrics Anytime, Anywhere - Install the App Today!

وہ شہر علم ہو تو امیت کے پردےمیں تمہارےسامنے گونگے ہیں سب زباں والے

زمیں والوں کو کیا چل سکے پتہ ان کا نہ پہنچےگرد کو بھی جن کی آسماں والے

مدینہ آخری منزل ہے حق شناسوں کی یہیں ٹہرتے ہیں صدیوں سے کارواں والے