Roshan Charagh Khatm e Nabuwat

روشن چراغ ختم نبوت ہے آج بھی ہر معجزہ بہ شکل کرامت ہے آج بھی

اس نور کی ازل سے وہ رفعت ہے جان لو قوسین ایک پل کی مسافت ہے آج بھی

سمجھا گیا حضورکو جتنا بھی آج تک اتنا ہی جاننے کی ضرورت ہے آج بھی

محتاج کائنات ہے ان کے وجود کی وہ ہیں تو کائنات سلامت ہے آج بھی

Find Your Favorite Lyrics Anytime, Anywhere - Install the App Today!

کہتے توہیں رسول نبی ''ہیں'' اور جانتے ہیں ''تھے'' کس درجہ بے شعورئِ اُمت ہے آج بھی

کچھ بھی نہ تھا وہ جب بھی تجلی تھے نور کی جو کچھ بھی ہے انہی کی بدولت ہے آج بھی

ان کے بغیر کیا ہے تصور حیات کا ایک ایک سانس ان کی امانت ہے آج بھی

کس شان سے ہے نور نبی کائنات میں جتنی بصیرت اتنی ہی رویت ہےآج بھی

زندہ رکھا ہوا ہے فقط ان کی دید نے ورنہ یہ زندگی تو قیامت ہے آج بھی