Paighambar e Deen Hadi e Kul

Paighambar-e-Deen, Haadi-e-Kul, Rahmat-e-Yazdaan Tu Qibla-e-Dil, Kaaba-e-Jaan, Mimbar-e-Eemaan

Chamke sar-e-Faraan-e-nazar teri tajalli Har saans hai mera tere dar ka mutawalli

Mujh se teri tareef ka haq kaise ada ho Sadiyon rahoon zinda toh na takmeel-e-sana ho

Shaayar ka qalam khaak lutaye ga khazane Quran mein qaseeday tere likhay hain Khuda ne

Get Lyrics On-The-Go! Download Our App Now!

Qadmon mein tere faqr ke, konain ki shahi Har ek ishara tera, qanoon-e-Ilahi

Har baat, uthati hui zehno se naqabain Har nuqtay mein khulti hui hikmat ki kitabain

Har saans teri, sirr-e-haqeeqat ka zakheera Har lamha tera, taaj mein taanka hua heera

Maujein tere altaaf ki pyaason ko pukarein Daalay jo nazar, mor de roohon ki muharein

Dil hai mera sookhi hui daali mere Aaqa! Hoon ek hi jhonkay ka sawaali mere Aaqa!