Paighambar e Deen Hadi e Kul

پیغمبرِ دیں ، ہادی کُل، رحمتِ یَزداں تو قبلہء دِل ، کعبہء جاں ، مبنرِ ایماں

چمکے سرِ فارانِ نظر تیری تجلّی ہر سانّس ہے میرا تِرے دَر کا متولّی

مُجھ سے تِری تعریف کا حق کیسے ادا ہو صدیوں رہوں زندہ تو نہ تکمیلِ ثنا ہو

No Internet? No Problem! Get the App for Offline Lyrics!

شاعر کا قلم خاک لُٹائے گا خزانے قُرآں میں قصیدے تِرے لکھّے ہیں خُدا نے

قدموں میں تِرے فقر کے، کو نَین کی شاہی ہر ایک اِشارہ تِرا ، قانونِ الٰہی

ہر بات، اُٹھاتی ہُوئی ذہنوں سے نقابیں ہر نقطے میں کھُلتی ہُوئی حِکمت کی کتابیں

ہر سانْس تِری ، سِرِّ حقیقت کا ذخیرہ ہر لمحہ تِرا ، تاج میں ٹانکا ہُوا ہِیرہ

موجیں ترے الطاف کی پیاسوں کو پکاریں ڈالے جو نظر ، موڑ دے رُوحوں کی مُہاریں

!دِل ہے مِرا سُو کھی ہُوئی ڈالی مِرے آقا ہُوں ایک ہی جھونکے کا سوالی مِرے آقا