Noor Hi Noor Hai Dekho

Noor hi noor hai, dekho toh insaan lage Parhne lag jaao jo usko toh woh Quran lage

Uski har baat hai ahkaam-e-Ilahi ki tarah Karo imaan ki tashreeh toh imaan lage

Usko chaaha use socha use samjha hai bohat Adl hi adl hai ehsaan hi ehsaan lage

Get Lyrics On-The-Go! Download Our App Now!

Us ke haathon ke nishaan dhoondhna patwaron par Khud-ba-khud naao kinaare pe agar aan lage

Hum ko aati hai har ek phool se uski khushbu Zindagi uske khayalaat ka guldaan lage

Uski aawaaz-e-qadam par hui duniya taameer Woh kahin Ghaar-e-Hira aur kahin Faaran lage

Raaye kya apne hi baare mein Muzaffar dega Log kehte hain ke is daur ka Hassaan lage