Noor Hi Noor Hai Dekho

نور ہی نور ہے، دیکھو تو انسان لگے پڑھنے لگ جاؤ جو اس کو تو وہ قرآن لگے

اُسکی ہر بات ہے احکامِ الہٰی کی طرح کرو ایمان کی تشریح تو ایمان لگے

اس کو چاہا اُسے سوچا اُسے سمجھا ہے بہت عدل ہی عدل ہے احسان ہی احسان لگے

اُس کے ہاتھوں کے نشاں ڈھونڈھنا پتواروں پر خود بخود ناؤ کنارے پہ اگر آن لگے

ہم کو آتی ہے ہر اک پھول سے اسکی خوشبو زندگی اس کے خیالات کا گلدان لگے

اسکی آوازِ قدم پر ہوئی دنیا تعمیر وہ کہیں غار حرا اور کہیں فاران لگے

Find Your Favorite Lyrics Anytime, Anywhere - Install the App Today!

رائے کیا اپنے ہی بارے میں مظفر دے گا لوگ کہتے ہیں کہ اس دور کا حسّان لگے