Noor e Haq Aap Mein

Noor-e-Haq aapؐ mein kitna gum hai Jism majood hai saya gum hai

Ishq mein un ke giraftar hai aql Dard mein un ke masiha gum hai

Un ki jalwat ki hadein kya hongi Jin ki tanhai mein duniya gum hai

Un ka kirdar taraqqi ka usool Un ke imroz mein farda gum hai

Un ki chup mein bhi qayamat ka waqar Chaap mein naghma-e-darya gum hai

Your Lyrics, Even Offline - Install the App for Free!

Khushbuen, un ke paseene ka nichod Jis ne is phool ko soongha gum hai

Un ki dehleez pe baithi ho gi Dil to hai dil ki tamanna gum hai

Doob kar paar utarna ho ga Is samandar mein kinara gum hai

Kya Muzaffar ne na jaane dekha Jab se paya unhein, pagla gum hai