Nit Nayee Aik Uljhan Hai

Nit nayi ek uljhan hai Af gham-e-rozgar ka aalam hai

Kaif-o-masti mein gharq yeh duniya Jaane kya dil-figar ka aalam

Ae Khuda tujh pe khoob zahir hai Hai jo mujh sogwar ka aalam

Get Lyrics On-The-Go! Download Our App Now!

Jaan-e-gulshan ne hum se munh moda Ab kahan woh bahar ka aalam

Ab kahan woh chalakte paimane Ab kahan woh khumar ka aalam

Haye kya ho gaya ghadi bhar mein Woh shakeeb-o-qarar ka aalam

Dar-e-fani se kya gharaz us ko Jis ka aalam qarar ka aalam

Ab woh ranginiyan nahin ya Rab Kya hua bazm-e-yaar ka aalam

Yaad aata hai waqt-e-gham Akhtar Rukhsat-e-gham-gusar ka aalam