Nihaan Jis Dil Main

Nihan jis dil mein Sarkar-e-do aalam ki mohabbat hai Woh khalwat khana-e-Maula hai woh dil rashk-e-jannat hai

Khalaiq par hui roshan azal se yeh haqeeqat hai Do aalam mein tumhari saltanat hai badshahat hai

Khuda ne yaad farmayi qasam khaak-e-kaf-e-pa ki Hawa maloom Taibah ki do aalam par fazeelat hai

Siwaye mere Aaqa ke sabhi ke rishte hain fani Woh qismat ka sikandar hai jise Aaqa se nisbat hai

Get Lyrics On-The-Go! Download Our App Now!

Yehi kehti hai rindon se nigah-e-mast saqi ki Dar-e-maikhana wa hai maikashon ki aam daawat hai

Gham-e-Shah-e-Duna mein marne wale tera kya kehna Tujhe LAA TAHZANU ki tere Maula se basharat hai

Uthey shor-e-mubarakbad un se ja mila Akhtar Gham-e-jana mein kis darja haseen anjam-e-furqat hai