Nigah Teri Charagh Bantay

Nigah teri charagh baante jamal-e-nikhat-fishan hai tera Nasab tera noor-e-Kibriya hai laqab Shah-e-do-jahan hai tera

Khuda ne hum se khitab chaha to tujh ko apni zaban dedi Gawah-e-goyai ilm tera amal suboot-e-bayan hai tera

Kahan kahan hain tere thikane tere maratib Khuda hi jaane Zameen bhi hai teri qadam-bos la-makaan bhi makaan hai tera

Shariat-e-Kibriya ki tashreeh saaf-o-sadah hayat teri Parha hai Quran bhi jo hum ne pata chala tarjuman hai tera

Download Lyrics & Access Offline - Install Our App Now!

Raza-e-Haq hai teri nazar mein bihisht rehti hai tere ghar mein Sada se aala teri khamoshi yaqeen se bala guman hai tera

Tere safeene mein baith kar akhirat ka hum ne safar kiya hai Hawa ko jo is ka rukh bataye woh parda-e-baadbaan hai tera

Tu kitna chahe har ummati ko panah deta hai har kisi ko Hai tera dar-us-salam Makkah Madinah dar-ul-aman hai tera

Muzaffar Warsi ki duniya-o-deen wabasta hain wahin se Woh farsh jis par teri kamar hai woh arsh gumbad-e-jahan hai tera