We've added ads to help keep the platform running and improving for you.

Nigah Teri Charagh BantayNot Verified

Muzaffar Warsi

نگاہ تیری چراغ بانٹے جمال نکہت فشاں ہے تیرا نسب ترا نورِ کبریا ہے لقب شہِ دو جہاں ہے تیرا


خدا نے ہم سے خطاب چاہا تو تجھ کو اپنی زبان دیدی گواہِ گویائی علم تیرا عمل ثبوت بیاں ہے تیرا


کہاں کہاں ہیں ترے ٹھکانے ترے مراتب خدا ہی جانے زمین بھی ہے تری قدم بوس لامکاں بھی مکاں ہے تیرا



Get Lyrics On-The-Go! Download Our App Now!

Get it on Google Play


شریعت کبریا کی تشریح صاف و سادہ حیات تیری پڑھا ہے قرآن بھی جو ہم نے پتہ چلا ترجماں ہے تیرا


رضائے حق ہے تری نظر میں بہشت رہتی ہے تیرے گھر میں صدا سے اعلیٰ تری خموشی یقیں سے بالا گماں ہے تیرا


ترے سفینے میں بیٹھ کر آخرت کا ہم نے سفر کیا ہے ہوا کو جو اس کا رخ بتائے وہ پردہء بادباں ہے تیرا


تو کتنا چاہے ہر امتی کو پناہ دیتا ہے ہر کسی کو ہے تیرا دارالسلاّم مکہ مدینہ دارالاماں ہے تیر ا


مظفر وارثی کی دنیا و دین وابستہ ہیں وہیں سے وہ فرش جس پر تری کمر ہے وہ عرش گنبد جہاں ہے تیرا

Your Lyrics, Even Offline - Install the App for Free!

Get it on Google Play

midhah-logo-grey© 2026 Midhah