Nazar Pe Kisi Ki Nazar

Nazar pe kisi ki nazar ho rahi hai Meri chashm kaan-e-gohar ho rahi hai

Mere khufiya naalon ko woh sun rahe hain Inayat kisi ki idhar ho rahi hai

Woh Taibah mein mujh ko talab kar rahe hain Talab meri ab mo'tabar ho rahi hai

Why Screenshot When You Can Download? Get the App for Efficient Storage!

Hua talib-e-Taibah matloob-e-Taibah Talab teri ae muntazir ho rahi hai

Madine mein hoon aur pichhla pehar hai Shab-e-zindagi ki sahar ho rahi hai

Nayi zindagi ki woh may de rahe hain Meri zindagani amar ho rahi hai

Madine se meri bala jaaye Akhtarؔ Meri zindagi waqf-e-dar ho rahi hai