Nabiyon Ke Nabi

Nabiyon ke Nabi Ummi Laqabi Kaunain ke wali Main tera sawali Kar mujh ko ata Thodi si diya Tare tere mot Chand utri thali

Yeh kis ne kaha Saya na tha Mujh ko nazar aaya Har su tera saya Jo tera hua Rab us ka hua Pai hai khudai Jis ne tujhe paya

Ae sarwar-e-deen Shab jis ki nahin Baante woh sawera Kamli teri kali Saqi mera tu Bhar mera sabu Darya hoon ke jheelein Sab teri sabeelein

Free Up Space - Get Lyrics Without Bulky Screenshots!

Khursheed-e-Hira Thokar se gira Aahon ki tanabein Doori ki faseelein Firdous mera Rauza hai tera Palkon mein paude Deewar ki jaali

Mehboob-e-Khuda Ae noor-e-Huda Chamke mera seena Ban jaaye Madinah Karti hai ana Ab teri sana Us paar laga de Lafzon ka safeena

Rakh mera bharam De Shah-e-Umam Hassan ki nazrein Awaaz Bilali Bas ek yahi Hasrat hai meri Dil maut se pehle Kuch tujh se bhi keh le

Bhadke jo talab Ho dard-e-ajab Ab tera Muzaffar Yaadon se na behle Rehmat ki nazar Ho jaaye agar Ban jaaye gulistan Sookhi hui daali