Nabi Ki Ghulami

Nabi ki ghulami bari baat hai Yeh ishq-e-dawami bari baat hai

Hamare liye aap ki ik nazar Huzoor-e-girami bari baat hai

Muhammad ﷺ ke hathon jo Kausar mile To aye tishna kami bari baat hai

Download Lyrics & Access Offline - Install Our App Now!

Duroodon bhare mere har saans ki Jo lein woh salami, bari baat hai

Rahe sabt mere labon par agar Tera naam-e-nami, bari baat hai

Agar meri aankhon ke aangan mein woh Karein khush khurami, bari baat hai

Diye har muhajir ko sarkar ne Huqooq-e-maqami, bari baat hai

Qabool un ke darbar mein ho agar Meri khush-kalami, bari baat hai

Ba-pairaya-e-naat, is daur ka Muzaffar hai Jami, bari baat hai