Nabi Ki Ghulami

نبی کی غلامی بڑی بات ہے یہ عشقِ دوامی بڑی بات ہے

ہمارے لیے آپ کی اِک نظر حضورِ گرامی بڑی بات ہے

مُحمّد ؐ کے ہاتھوں جو کوثر مِلے تو اے تشنہ کامی بڑی بات ہے

درودوں بھرے میرے ہر سانس کی جو لیں وہ سلامی ، بڑی بات ہے

رہے ثبت میرے لبوں پر اگر تِرا نام ِ نامی ، بڑی بات ہے

اگر میری آنکھوں کے آنگن میں وہ کریں خوش خرامی ، بڑی بات ہے

دِیے ہر مہاجر کو سرکار نے حقوقِ مقامی ، بڑی بات ہے

قبول اُن کے دربار میں ہو اگر مری خوش کلامی ، بڑی بات ہے

بہ پَیرایہء نعت ، اس دَور کا مظفؔر ہے جامؔی ، بڑی بات ہے