Nabi Ke Raaste Ki Khak Lun Ga

Nabi ke raste ki khaak loon ga Main sab se qeemti poshaak loon ga

Mehal meenaar kya karne hain mujh ko Madine ke khas-o-khashaak loon ga

Shah-e-konain ki faaqa kashi se Main apni rooh ki khoraak loon ga

Meri naama bari aansoo karen ge Main un se deedah-e-namnaak loon ga

Meri khwahish agar poochhi unhon ne Main istehkaam-e-arz-e-paak loon ga

Huzoor ﷺ aayen ge jab meri lahad mein Zameen se qeemat-e-aflaak loon ga

Mili jaageer agar jannat mein koi To dehleez-e-Shah-e-Lolaak loon ga

No More Screenshots! Save Storage with Our Lyrics App!

Main un se aakhri dam tak Muzaffar Baseerat aagahi idraak loon ga