Nabi Ke Raaste Ki Khak Lun Ga

نبی کے راستے کی خاک لوں گا مَیں سب سے قیمتی پوشاک لوں گا

محل مینار کیا کرنے ہیں مُجھ کو مدینے کے خس و خاشاک لوں گا

شہِ کونین کی فاقہ کشی سے مَیں اپنی رُوح کی خوراک لوں گا

مِری نامہ بری آنّسُو کریں گے مَیں اُن سے دیدہء نمناک لوں گا

مری خواہش اگر پُوچھی اُنھوں نے مَیں استحکام ارضِ پاک لوں گا

حضورؐ آئیں گے جب میری لحد میں زمیں سے قیمتِ افلاک لوں گا

مِلی جاگیر اگر جنّت میں کوئی تو دہلیزِ شہِ لولاک لوں گا

More Lyrics, Less Storage - Install the App and Ditch the Screenshots!

مَیں اُن سے آخری دَم تک مظفؔر بصیرت آگہی ادراک لوں گا