Nabi ka Naam Jab Mere Laboun Par Raqs Karta Hai

Nabi ka naam jab mere labon par raqs karta hai Lahu bhi mera sharyanon ke andar raqs karta hai

Meri bechain aankhon mein woh jab tashreef laate hain Tasawwur un ke daaman se lipat kar raqs karta hai

Woh sehraon mein bhi paani pila dete hain pyaason ko Ke un ki ungliyon mein bhi samandar raqs karta hai

Instant Access to Thousands of Lyrics - Tap to Install!

Pade hain naqsh-e-pa-e-Mustafa ﷺ ke haar gardan mein Jabhee to rooh lehraati hai paikar raqs karta hai

Zameen-o-aasman bhi apne qabu mein nahi rehte Tadap kar jab Muhammad ﷺ ka qalandar raqs karta hai

Lagi hai bheed us ke gird ye kaisi farishton ki! Ye kis ka naam le le kar Muzaffar raqs karta hai