Naat Kehte Hue

Naat kehte hue naat mein doob ja Paar lag jaaye ga zaat mein doob ja

Why Screenshot When You Can Download? Get the App for Efficient Storage!

Fateh karni hain gar dil ki gehraiyan Bheegi aankhon ki barsaat mein doob ja

Ek ek harf-e-Quran mein rehte hain woh Ek ek joo-e-aayaat mein doob ja

Deeda-e-subah se phootna hai agar Aap ke hijr ki raat mein doob ja

La se karna hai illa talak ka safar Nafi kehti hai isbaat mein doob ja

Un ka har kaam har baat anmol hai Un ke har kaam har baat mein doob ja

Lene aayenge kitne hi saahil tujhe Baikarani-e-jazbaat mein doob ja

Dil mein apne dubo de munajaat ko Phir Muzaffar munajaat mein doob ja