Naat Kehte Hue

نعت کہتے ہوئے نعت میں ڈوب جا پار لگ جائے گا ذات میں ڈوب جا

فتح کرنی ہیں گر دل کی گہرائیاں بھیگی آنکھوں کی برسات میں ڈوب جا

ایک اک حرفِ قرآں میں رہتے ہیں وہ ایک اک جوئے آیات میں ڈوب جا

Get Lyrics On-The-Go! Download Our App Now!

دیدہء صبح سے پھوٹنا ہے اگر آپ کے ہجر کی رات میں ڈوب جا

لا سے کرنا ہے الّا تلک کا سفر نفی کہتی ہے اثبات میں ڈوب جا

اُن کا ہر کام ہر بات انمول ہے اُن کے ہر کام ہر بات میں ڈوب جا

لینے آئیں گے کتنے ہی ساحل تجھے بیکرانیِ جذبات میں ڈوب جا

دل میں اپنے ڈبو دے مناجات کو پھر مظفر مناجات میں ڈوب جا