Na Koi Rusukh o Aasar Chahiye

Na koi rusookh-o-asar chahiye Faqat teri seedhi nazar chahiye

Zamana ki khoobi zamane ko de Mujhe sirf dard-e-jigar chahiye

Rahe jis mein ishq-e-Habib-e-Khuda Woh dil woh jigar aur woh sar chahiye

Koi raaj chahe koi takht-o-taaj Mujhe tere pyare ka dar chahiye

Free Up Space - Get Lyrics Without Bulky Screenshots!

Bane jis mein taqdeer bigdi hui Ilahi mujhe woh hunar chahiye

Hain duniya mein lakhon bashar par wahan Khabar ke liye be-khabar chahiye

Khazane se Rab ke jo chaho so lo Nabi ki ghulami magar chahiye

Duayen to Salik bahut hain magar Asar ke liye chashm-e-tar chahiye