Muhammad Ki Ataat Kar Raha Hun

Muhammad ﷺ ki itaat kar raha hoon Khareedari-e-rehmat kar raha hoon

Nabi ﷺ ko jis ne pehli baar dekha Main us lamhay ki bai'at kar raha hoon

Teray mehboob ki khatir Ilahi Teri dunya mein shirkat kar raha hoon

Faraaz-e-kursi-o-Sidra pay charh kar Madinay ki ziyarat kar raha hoon

Saheefay hain jo hijr-e-Mustafa ﷺ ka Un ashkon ki tilawat kar raha hoon

Hain na'lain-e-Muhammad ﷺ taaj mera Ghulaami mein hukoomat kar raha hoon

Mujhay Kaaba bohat pyara hai lekin Nabi ﷺ kay saath hijrat kar raha hoon

Namazon ko duroodon say saja kar Ibadat hi ibadat kar raha hoon

Bohat hi shauq hai jeenay ka mujh ko Tamanna-e-shahadat kar raha hoon

Amal to aakhirat mein shaya hon gay Yahan un ki kitabat kar raha hoon

No Internet? No Problem! Get the App for Offline Lyrics!

Jahan Hassan na'atein parh rahay hain Wahan ki main nizamat kar raha hoon

Muzaffar masiyat kay abr-on say Main iss dil ki hifazat kar raha hoon