Muhammad Ki Ataat Kar Raha Hun

محمدؐ کی اطاعت کر رہا ہوں خریداریِ رحمت کر رہا ہوں

نبی ؐ کو جس نے پہلی بار دیکھا میں اس لمحے کی بیعت کر رہا ہوں

ترے محبوب کی خاطر الہٰی تری دنیا میں شرکت کر رہا ہوں

فراز کرسی و سدرہ پہ چڑھ کر مدینے کی زیارت کررہا ہوں

صحیفہ ہیں جو ہجر مصطفےؐ کا ان اشکوں کی تلاوت کر رہا ہوں

ہیں نعلینِ محمدؐ تاج میرا غلامی میں حکومت کر رہا ہوں

No More Screenshots! Save Storage with Our Lyrics App!

مجھے کعبہ بہت پیارا ہے لیکن نبیؐ کے ساتھ ہجرت کررہا ہوں

نمازوں کو درودوں سے سجا کر عبادت ہی عبادت کر رہا ہوں

بہت ہی شوق ہے جینے کا مجھ کو تمنائے شہادت کر رہا ہوں

عمل تو آخرت میں شائع ہوں گے یہاں ان کی کتابت کر رہا ہوں

جہاں حسان نعتیں پڑھ رہے ہیں وہاں کی میں نظامت کررہا ہوں

مظفر معصیت کے ابر ہوں سے میں اس دل کی حفاظت کر رہا ہوں