Muhammad Arabi Ki Lughaat Likhni Hai

Muhammad ﷺ Arabi ki lughat likhni hai Utaar do mujhe Quran mein, naat likhni hai

Mere Khuda mujhe Hassan ka qalam de de Mujhe bhi madh-e-Shah-e-Kainaat likhni hai

Kabhi jo khushk na ho aisi chashm-e-nam de de Ke aansuon se mujhe dil ki baat likhni hai

Get Lyrics On-The-Go! Download Our App Now!

Dua ke haath mein woh zulf-e-kham ba kham de de Siyah bakhtiyon mein chand raat likhni hai

Yaqeen ko sanad-e-rehmat-o-karam de de Amal ki fard pe apni nijaat likhni hai

Faraaz-e-arsh nahi goshah-e-Haram de de Bohat si sharh-e-durood-o-salawat likhni hai

Wajood ko nasab-e-shajra-e-adam de de Kitaab-e-falsafa-e-mojizaat likhni hai

Tamaam uswa-o-ausaf-e-mohtaram de de Har ek juzv ki ik kulliyaat likhni hai