Muhammad Arabi Ki Lughaat Likhni Hai

محمدؐ عربی کی لغات لکھنی ہے اتار دو مجھے قرآں میں ، نعت لکھنی ہے

مرے خدا مجھے حسّان کا قلم دے دے مجھے بھی مدحِ شہِ کائنات لکھنی ہے

کبھی جو خشک نہ ہو ایسی چشم نم دے دے کہ آنسوؤں سے مجھے دل کی بات لکھنی ہے

دعا کے ہاتھ میں وہ زلف خم بہ خم دے دے سیاہ بختیوں میں چاند رات لکھنی ہے

یقیں کو سندِ رحمت و کرم دے دے عمل کی فرد پہ اپنی نجات لکھنی ہے

فرازِ عرش نہیں گوشہء حرم دے دے بہت سی شرحِ درود وصلوٰۃ لکھنی ہے

Stop Wasting Storage - Download Lyrics in Lightweight Text Format!

وجود کو نسبِ شجرہء عدم دے دے کتابِ فلسفہء معجزات لکھنی ہے

تمام اُسوہ و اوصاف محترم دے دے ہر ایک جزو کی اک کَلیّات لکھنی ہے