Mufassal e Husn Zindagi Hai

Mufassil-e-husn-e-zindagi hai khulasa-e-kainat hai tu Naseeb hai tu nisab hai tu suboot hai tu sabat hai tu

Hawa ke jhonke bhi chal rahe hain charagh bhi mujh mein jal rahe hain Meri mohabbat ka tu muhafiz mere iradon ke sath hai tu

Shahood-e-alam ki asl tu tha wajood-e-Adam se qabl tu tha Zameen ke neeche bhi tu hai zinda, hayat-baad-ul-mumat hai tu

Free Up Space - Get Lyrics Without Bulky Screenshots!

Qaba-e-isyan rafoo kare ga, meri shafa'at bhi tu kare ga Mera shaoor-e-yaqeen tu mera yaqeen-e-najat hai tu

Hai noor-e-khallaq zarf tera, charagh hai harf harf tera Parhe gi ta-hashr jis ko duniya Khuda ki woh kulliyat hai tu

Har ek dhadkan teri misali hai lamha lamha tera sawali Sikhaye jo aajz-o-inkisari woh sahib-e-mojizat hai tu

Tera tasawwur bhi ek musalla azeem tujh se faqat hai Allah Sune Muzaffar parhe Muzaffar azaan hai tu salat hai tu