Mufassal e Husn Zindagi Hai

مفصلِّ حسنِ زندگی ہے خلاصہ کائنات ہے تو نصیب ہے تو نصاب ہے تو ثبوت ہے تو ثبات ہے تو

ہوا کے جھونکے بھی چل رہے ہیں چراغ بھی مجھ میں جل رہے ہیں مری محبت کا تو محافظٗ مرے ارادوں کے ساتھ ہے تو

شہود عالم کی اصل تو تھا وجودِ آدم سے قبل تو تھا زمیں کے نیچے بھی تو ہے زندہ ، حیات بعد الممات ہے تو

قبائے عصیاں رفو کرے گا ٗ مری شفاعت بھی تو کرے گا مرا شعور یقین تو مرا یقین نجات ہے تو

Never Be Without Your Favorite Lyrics - Get the App for Offline Access!

ہے نورِ خلّاق ظرف تیرا ، چراغ ہے حرف حرف تیرا پڑھے گی تاحشر جس کو دنیا خدا کی وہ کلیّات ہے تو

ہر ایک دھڑکن تری مثالی ہے لمحہ لمحہ ترا سوالی سکھائے جو عجز و انکساری وہ صاحب معجزات ہے تو

ترا تصور بھی اک مصلیٰ عظیم تجھ سے فقط ہے اللہ سُنے مظفر پڑھے مظفر اذان ہے تو صلوٰۃ ہے تو