Momin Woh Hai Jo Unki

Momin woh hai jo un ki izzat pe mare dil se Tazeem bhi karta hai Najdi to mare dil se

Wallah woh sun lenge faryaad ko pahunchenge Itna bhi to ho koi jo aah kare dil se

Bichhdi hai gali kaisi bigdi hai bani kaisi Poochho koi yeh sadma armaan bhare dil se

Kya us ko giraye dahar jis par tu nazar rakhe Khaak us ko uthaye hashr jo tere gire dil se

Behka hai kahan Majnoo le daali banon ki khaak Dam bhar na kiya khaima Laila ne pare dil se

Sone ko tapaye jab kuch mail ho ya kuch mail Kya kaam jahannam ke dhare ko khare dil se

Aata hai dar-e-wala yun zauq-e-tawaf aana Dil jaan se sadqe ho sar gird phire dil se

Aye abr-e-karam faryaad faryaad jala dala Is sozish-e-gham ko hai zid mere hare dil se

Instant Access to Thousands of Lyrics - Tap to Install!

Darya hai chadha tera kitni hi udayen khaak Utrenge kahan mujrim aye afw tere dil se

Kya janen ye gham mein dil doob gaya kaisa Kis teh ko gaye armaan ab tak na tere dil se

Karta to hai yaad un ki ghaflat ko zara rooke Lillah Raza dil se haan dil se are dil se