Momin Woh Hai Jo Unki

مومن وہ ہے جو اُن کی عزّت پہ مَرے دِل سے تعظیم بھی کرتا ہے نجدی تو مَرے دل سے

واللہ وہ سُن لیں گے فریاد کو پہنچیں گے اِتنا بھی تو ہو کوئی جو آہ کرے دل سے

بچھڑی ہے گلی کیسی بگڑی ہے بنی کیسی پوچھو کوئی یہ صَدمہ ارمان بھرے دل سے

کیا اس کو گِرائے دہر جس پَر تُو نظر رکھے خاک اُس کو اٹھائے حشر جو تیرے گرے دل سے

بہکا ہے کہاں مجنوں لے ڈالی بنوں کی خاک دم بھر نہ کیا خیمہ لیلیٰ نے پَرے دل سے

سونے کو تپائیں جب کچھ مِیل ہو یا کچھ مَیل کیا کام جہنم کے دَھرے کو کھرے دل سے

No More Screenshots! Save Storage with Our Lyrics App!

آتا ہے درِ والا یُوں ذوقِ طواف آنا دل جان سے صدقے ہو سر گرِد پھرے دل سے

اے ابرِ کرم فریاد فریاد جَلا ڈالا اس سوزشِ غم کو ہے ضِد میرے ہرے دل سے

دریا ہے چڑھا تیرا کتنی ہی اڑائیں خاک اُتریں گے کہاں مجرم اے عفو ترے دل سے

کیا جانیں یِم غم میں دِل ڈُوب گیا کیسا کِس تہ کو گئے ارماں اب تک نہ تِرے دل سے

کرتا تو ہے یاد اُن کی غفلت کو ذرا روکے لِلّٰہ رضؔا دل سے ہاں دل سے ارے دل سے