Milegi Qalb Ko Taskeen Zair-e-Gunbad-e-Khizra

Milegi qalb ko taskeen zer-e-Gumbad-e-Khizra Ba faiz-e-Taha o Yaseen zer-e-Gumbad-e-Khizra

Jahan-e-rang-o-bu mohtaj hai jis ke tasarruf ka Hai aisa sahib-e-takween zer-e-Gumbad-e-Khizra

Thikana aao pehle se bana lein hum wahan apna Simat jaye ga aakhir deen zer-e-Gumbad-e-Khizra

Khara ho kar karoon nazr-e-Nabi ﷺ tohfa tahiyat ka Parhoon phir baith kar Yaseen zer-e-Gumbad-e-Khizra

Mere qalb-o-nazar mein noor ke fanoos hon roshan Ho meri rooh ki taz-een zer-e-Gumbad-e-Khizra

Why Screenshot When You Can Download? Get the App for Efficient Storage!

Ajab kya hai Madine ki fiza mujh ko muyassar ho Likhoon is naat ki tazmeen zer-e-Gumbad-e-Khizra

Maqam is sabz gumbad ka koi aflak se pooche Khuda ke ladle hain teen zer-e-Gumbad-e-Khizra

Agar taufeeq mil jaye muwajeh mein huzoori ki Bajaoon hichkiyon ki been zer-e-Gumbad-e-Khizra

Mujhe khairaat dein Sarkar asrar-o-maarif ki Karein irshad aur talqeen zer-e-Gumbad-e-Khizra

Samundar rehmaton ke josh mein aa jaya karte hain Sada de jab koi maskeen zer-e-Gumbad-e-Khizra

Durood-e-pak ho Shahzad ho rozey ki jali ho Dua hai sab kaho aameen zer-e-Gumbad-e-Khizra