Meri Mayat Pe Yeh Ahbab

Meri mayyat pe yeh ahbab ka matam kya hai Shor kaisa hai yeh aur zari-e-paiham kya hai

Waye hasrat dam-e-akhir bhi na aakar poocha Mudda kuch toh bata deedah-e-pur-nam kya hai

Kuch bigadta toh nahi maut se apni yaaro Humsafeeran-e-gulistan na rahe hum kya hai

Download Lyrics & Access Offline - Install Our App Now!

In khayalat mein gum tha ke jhanjhora mujh ko Ek anjani si aawaz ne ek dam kya hai

Kaun hota hai museebat mein shareek-o-hamdam Hosh mein aa yeh nasha sa tujhe har dam kya hai

Kaif-o-masti mein yeh madhosh zamane wale Khak jaanein gham-o-aalam ka aalam kya hai

Un se umeed-e-wafa haye teri nadani Kya khabar un ko yeh kirdar-e-muazzam kya hai

Woh jo hain hum se gurezaan toh bala se apni Jab yehi taur-e-jahan hai toh bhala gham kya hai

Meethi baton pe na ja ahl-e-jahan ki Akhtarؔ Aql ko kaam mein la ghaflat-e-paiham kya hai