Meri Manzilat Meri Aabroo

Meri manzilat meri aabroo na sukhan se hai na qalam se hai Meri raah mein hai jo roshni woh tere nishan-e-qadam se hai

Mujhe dard apna agar diya toh sukoon bhi tu ne ata kiya Tujhe chahne ka shaoor bhi tere pyaar tere karam se hai

Jab is aaine pe nazar pari toh mujhe basharat-e-haq mili Rukh-e-Mustafa se bhi hai wahi jo lagao shama-e-haram se hai

Why Screenshot When You Can Download? Get the App for Efficient Storage!

Mera dil jo tere huzoor ho meri pyaas gharq-e-suroor ho Meri kisht-e-ishq hari bhari lab-e-khushk-o-deeda-e-nam se hai

Meri rooh teri ghulam bhi yeh azal se hi tere naam thi Main yahan hi tera nahin hua mera tujh se rabt-e-adam se hai

Rag-e-jaan se hai jo qareeb tar woh Khuda hai baad-e-Khuda magar Koi saath hai jo qadam qadam toh usi ki chaap qasam se hai