Meri Manzilat Meri Aabroo

مِری منزلت مِری آبرو نہ سخن سے ہے نہ قلم سے ہے مِری راہ میں ہے جو روشنی وہ تِرے نشانِ قدم سے ہے

مجھے درد اپنا اگر دیا تو سکوں بھی تو نے عطا کیا تجھے چاہنے کا شعور بھی تِرے پیار تیرے کرم سے ہے

جب اس آئنے پہ نظر پری تو مجھے بشارتِ حق ملی رُخِ مصطفیٰ سے بھی ہے وہی جو لگاؤ شمع حرم سے ہے

Free Up Space - Get Lyrics Without Bulky Screenshots!

مِرا دل جو تیرے حضور ہو مِری پیاس غرقِ سرور ہو مِری کشت عشق ہری بھری لبِ خشک و دیدۂ نم سے ہے

مِری روح تیری غلام بھی یہ ازل سے ہی تِرے نام تھی میں یہاں ہی تیرا نہیں ہوا مِرا تجھ سے ربط عدم سے ہے

رگِ جاں سے ہے جو قریب تر وہ خدا ہے بعد خدا مگر کوئی ساتھ ہے جو قدم قدم تو اُسی کی چاپ قسم سے ہے