Meri Hayat Muhammad Ke

Meri hayaat Muhammad ﷺ ke naam likh dena Mere kafan pe durood-o-salaam likh dena

Kiya to ishq, faraaiz magar ada na kiye Tamaam shud ki jagah na-tamaam likh dena

Khuda ke saare gharon ka karo shumaar agar To meri rooh ko Bait-ul-Haraam likh dena

Hawaao shehr-e-Nabi ﷺ se ho jitni baar guzar Har ek zarre pe mera salaam likh dena

Na karna fard-e-amal par bhi mera naam raqam Farishto sirf Nabi ﷺ ka ghulaam likh dena

Jab aakhirat mein ho fehrist-e-aashiqaan taiyaar Mujhe bhi banda-e-Khair-ul-Anaam likh dena

Jawaar-e-chashma-e-Kausar pe jis ki aankh khule Mere naseeb mein aisi bhi shaam likh dena

No More Screenshots! Save Storage with Our Lyrics App!

Muzaffar ab nahin aayega aur koi Nabi ﷺ Unhien har ek sadi ka imaam likh dena