Meri Hayat Muhammad Ke

مری حیات محمدؐ کے نام لکھ دینا مر ے کفن پہ درود و سلام لکھ دینا

کیا تو عشق، فرائض مگر ادا نہ کئے تمام شد کی جگہ ناتمام لکھ دینا

خدا کے سارے گھروں کا کرو شمار اگر تو میری روح کو بیت الحرام لکھ دینا

ہواؤ شہر نبیؐ سے ہو جتنی بارگزر ہر ایک ذرّے پہ میرا سلام لکھ دینا

Never Be Without Your Favorite Lyrics - Get the App for Offline Access!

نہ کرنا فرد عمل پر بھی میرا نام رقم فرشتو صرف نبیؐ کا غلام لکھ دینا

جب آخرت میں ہو فہرستِ عاشقاں تیار مجھے بھی بندہِ خیر الانام لکھ دینا

جوارِ چشمہ کوثر پہ جس کی آنکھ کُھلے مرے نصیب میں ایسی بھی شام لکھ دینا

مظفر اب نہیں آئے گا اور کوئی نبیؐ اُنھیں ہر ایک صدی کا امام لکھ دینا