Meri Har Saans

Meri har saans chamakti hai ujalay say teray Chaand hi chaand mujhay mil gaye haalay say teray

Mera apna koi chehra hai na aankhain na wajood Ab to pehchantay hain log, hawalay say teray

Jo mohabbat mujhay tujh say hai, woh kitni hogi Toot kar pyaar karoon chahnay walay say teray

Teri tareef ka asloob kahan say laaun Saaray andaaz, anokhay say niralay say teray

Hashr tak kay liye kar jaye gi sairab mujhay Agar ik ghoont bhi mil jaye piyalay say teray

Is taraf bhi ho nigah-e-mutawazan, Aaqa Girtay aflak sambhal jayain sambhalay say teray

Free Up Space - Get Lyrics Without Bulky Screenshots!

Ghol day meri samaat mein bhi aahat apni Ek bhatka huwa Ghazi hoon risalay say teray

Yeh bhi ik phool hai saada sa, teray sehra ka Rang mil jaye Muzaffar ko bhi lalay say teray