Mere Ulo Martabat

Mere uloo-e-martabat munazzah maqam Aaqa ﷺ Wazeefa-e-Rabb-e-do-jahan tera naam Aaqa ﷺ

Mujhe bhi mairaj-e-zehn-o-ehsas ho rahi hai Kiya teri thokar mein jab se qayam Aaqa ﷺ

Teri mohabbat agar ragon mein na maujzan ho Toh ek pal ko bhi mujh pe jeena haram Aaqa ﷺ

Why Screenshot When You Can Download? Get the App for Efficient Storage!

Main tera darban tera naukar tera bhikari Salam malik salam maula salam Aaqa ﷺ

Malaika lah-ma lah-ma tujh par durood bhejein Jamaat-e-jinn-o-ins ka tu imam Aaqa ﷺ

Jihad karte hue shahadat ka jaam pi loon Tere duroodon pe ho mera ikhtitam Aaqa ﷺ

Teri gali mein hon khatam mere tamam raste Main kharch ho jaaun teri khatir tamam Aaqa ﷺ

Chalega jab tere peeche roz-e-jaza Muzaffar Kahenge logon se log dekho ghulam, Aaqa ﷺ