Mere Dil Mein Tere Qadmon

Mere dil mein tere qadmon ke nishan milte hain Aise mehtab andheron ko kahan milte hain

Khelte hain tere aangan mein Khuda ke asraar Jis pe khul jaayen use donon jahan milte hain

Jab bhi chup hota hoon aa jata hai honton pe durood Aksar auqaat Muhammad ﷺ mere haan milte hain

Daagh daagh apna badan le ke kahan jaunga Un ki galiyon mein to sheeshe ke makan milte hain

Un ke usshaq mein deewanon mein darbariyon mein Ahl-e-dil ahl-e-nazar ahl-e-zaban milte hain

Band aankhon se unhein dekh liya karta hoon Khoon ki tarah rag-o-pay mein rawan milte hain

Jis ke paas un ki mohabbat ke khare sikke hon Chand sikkon mein use kaun-o-makan milte hain

Offline Lyrics Anytime, Anywhere - Download the App Today!

Rok lete hain Muzaffar jo gunahon se mujhe Mere andar hi kuch aise nigran milte hain