Mere Andar Ferozan Huzoor

Mere andar farozan Huzoor ﷺ Main andhera, charaghan Huzoor ﷺ

Sochiye toh niri roshni Dekhiye toh hain insaan Huzoor ﷺ

Rooh-e-Quran hai zaat-e-Khuda Aur tajseem-e-Quran Huzoor ﷺ

Never Be Without Your Favorite Lyrics - Get the App for Offline Access!

Hoon shariyat ka qail magar Mera deen mera imaan Huzoor ﷺ

Hota rehta hoon mamnoon main Karte rehte hain ehsaan Huzoor ﷺ

Mere aansu bohat qeemti Meri aankhon ke mehman Huzoor ﷺ

Aap ke dam se aabad hoon Aap hain ronaq-e-jaan Huzoor ﷺ

Aap par aap ki aal par Main nichawar main qurban Huzoor ﷺ

Kyun na har koi mujh ko parhey Aap hain mera unwaan Huzoor

Sahl, duniya, Muzaffar pe ki Aakhirat bhi ho aasaan Huzoor ﷺ