Mere Andar Ferozan Huzoor

میرے اندر فروزاں حضورؐ مَیں اندھیرا ، چراغاں حضورؐ

سوچیے تو نِری روشنی دیکھیے تو ہیں اِنساں حضورؐ

رُوحِ قُرآں ہے ذاتِ خُدا اور تجسیمِ قُرآں حضورؐ

ہُوں شریعت کا قائل مگر میرا دِیں میرا ایماں حضورؐ

ہوتا رہتا ہُوں ممنون ‘ مَیں کرتے رہتے ہیں احساں حضورؐ

Download Lyrics & Access Offline - Install Our App Now!

میرے آنّسُو بہت قیمتی میری آنکھوں کے مہماں حضورؐ

آپ کے دَم سے آباد ہُوں آپ ہیں رونقِ جاں حضورؐ

آپ پر آپ کی آ ل پر مَیں نچھاور مَیں قُرباں حضورؐ

کیوں نہ ہر کوئی مُجھ کو پڑھے آپ ہیں میرا عُنواں حضور

سہل ‘ دُنیا ، مظفّؔر پہ کی آخرت بھی ہو آساں حضورؐ