Mera Toh Sab Kuch

Mira to sab kuch mira Nabi hai Siyahiyan mujh mein daagh mujh mein Jalein usi ke charagh mujh mein Asasa qalb-o-jaan wahi hai Mira to sab kuch mira Nabi hai

Mire gunahon pe us ka parda Woh mera imroz mera farda Zameer par hashiye usi ke Shaoor bhi us ka waza karda Woh mera imaan mira tayaqqun Woh mera paimanah-e-tamaddun Woh mera mayar-e-zindagi hai Mira to sab kuch mira Nabi hai

Woh meri manzil bhi hamsafar bhi Woh samne bhi pas-e-nazar bhi Wahi mujhe door se pukare Usi ki parchhayi rooh par bhi Woh rang mera ooh meri khushbu Main us ki mutthi ka ek jugnu Woh mere andar ki roshni hai Mira to sab kuch mira Nabi hai

Download Lyrics & Access Offline - Install Our App Now!

Usi ke qadmon mein raah meri Usi ki pyasi hai chaah meri Usi ki mujrim miri khayan Usi ki rehmat gawah meri Usi ka gham mujh ko saath rakhe Wahi mire dil pe haath rakhe Woh dard bhi hai sukoon bhi hai Mira to sab kuch mira Nabi hai

Azal ke chehre pe noor us ka Zuhoor-e-alam zuhoor us ka Khud us ki aawaz gufta-e-Haq Khud us ki tanhai Toor us ka Bohat se aali maqam aaye Khuda ke baad us ka naam aaye Woh awwalin hai woh aakhiri hai Mira to sab kuch mira Nabi hai

Na mujh se baar-e-amal uthay ga Na uzw hi koi saath de ga Agar kahe ga to roz-e-mahshar Khuda use mira Nabi kahe ga Siyahiyan daagh saaf karde Use bhi Maula maaf karde Yeh mera aashiq hai Warsi hai Mira to sab kuch mira Nabi hai