Mera Payambar

Mera Paighambar ؑ Majnoon ka haseen paikar

Nikal ke tanhai-e-Hira se Ameen-o-Sadiq ke tamgha-e-urfiyat saja kar

Zabaan mein Iqra ka shahad bhar kar Hujoom mein talkhiyon ke aaya

Stop Wasting Storage - Download Lyrics in Lightweight Text Format!

Ghataein rehmat ki odh kar Dhoop ki ghazab shiddaton mein aaya

Jo qaum Laat-o-Manat-o-Uzza ko poojti thi Khudaye murda ko poojti thi

Woh apne hathon mein sang le kar Mere Paighambar ki simt daudi

Magar mera reham dil Paighambar ﷺ Lahoo ke pyason pe bhi duaen uchhalta tha

Woh sang zadon se, aaina saaz dhalta tha Woh reg-e-sehra se meethe chashme nikalta tha

Rasool ﷺ shor-e-mukhasamat mein bhi chup na rehta Woh sab se kehta

Yeh but na poojo Yeh sirf patthar hain

Yeh adad bhi nahin sifar hain Tumhare hathon ka yeh hunar hain

Khuda hai woh jis se main ta'aruf kara raha hoon Khuda hai woh jis ki tum ho takhleeq

Usi ko jaano Usi ko maano