Mera Markaz e Tawaf Aap Ka Haram

Mera markaz-e-tawaf aap ﷺ ka haram aap ﷺ ki qasam Meri chaahaton ka arsh aap ke qadam aap ﷺ ki qasam

Mere waaste durood bhi namaz hai har jawaz hai Meri zindagi ka raaz aap ﷺ ka karam aap ﷺ ki qasam

Jab Khuda ko shajra-e-wafa dikhaunga kya bataunga Daman-e-amal mein hai faqat yeh chashm-e-nam aap ﷺ ki qasam

Instant Access to Thousands of Lyrics - Tap to Install!

Manzilon se naam sirf aap ﷺ ka liya aur ja liya Hogaye faraar raaston ke pech-o-kham aap ﷺ ki qasam

Meri zindagi mein itna iztiraab kyun sirf khwaab kyun Rooh jal rahi hai phir bhi roshni hai kam aap ﷺ ki qasam

Ek baar aur meri haazri huzoor kahiye haan zaroor Warna khoon mein doob jayegi faseel-e-gham aap ﷺ ki qasam

Jo Khuda hai aap ﷺ ka mera Khuda hai woh jaanta hai woh Is ke bandon mein hain aap ﷺ sab se mohtaram aap ﷺ ki qasam