Mera Markaz e Tawaf Aap Ka Haram

میرا مرکزِ طواف آپؐ کا حرم آپؐ کی قسم میری چاہتوں کا عرش آپ کے قدم آپؐ کی قسم

میرے واسطے درود بھی نماز ہے ہر جواز ہے میری زندگی کا راز آپؐ کا کرم آپؐ کی قسم

جب خدا کو شجرہء وفا دکھاؤں گا کیا بتاؤں گا دامنِ عمل میں ہے فقط یہ چشم نم آپؐ کی قسم

Offline Lyrics Anytime, Anywhere - Download the App Today!

منزلوں سے نام صرف آپؐ کا لیا اور جا لیا ہوگئے فرار راستوں کے پیچ و خم آپؐ کی قسم

میری زندگی میں اتنا اضطراب کیوں صرف خواب کیوں روح جل رہی ہے پھر بھی روشنی ہے کم آپؐ کی قسم

ایک بار اور میری حاضری حضور کہیئے ہاں ضرور ورنہ خوں میں ڈوب جائے گی فصیلِ غم آپؐ کی قسم

جو خدا ہے آپؐ کا مرا خدا ہے وہ جانتا ہے وہ اس کے بندوں میں ہیں آپؐ سب سے محترم آپؐ کی قسم