Mein Muhammad Se Jo

Main Muhammad ﷺ se jo mansoob hua khoob hua Un ka deewana-o-majzoob hua khoob hua

Aansuon se mujhe Jannat ki hawa aati hai Mera dil deedah-e-Yaqub hua khoob hua

Us ki aawaz-e-qadam aayi zamane le kar Lamhe lamhe ne kaha khoob hua khoob hua

More Lyrics, Less Storage - Install the App and Ditch the Screenshots!

Us ne Allah ko Allah ne us ko chaha Kabhi talib kabhi matloob hua khoob hua

Haq Ta'ala ki ita'at hai, ita'at us ki Main jo mehboob ka mehboob hua khoob hua

Mere har saans ka maqsood durood aur salam Un ke darbar ka mandoob hua khoob hua

Munfarid meri ghazal naat achooti meri Jo Muzaffar mera usloob hua khoob hua