Mein Muhammad Se Jo

میں محمدؐ سے جو منسوب ہوا خوب ہوا ان کا دیوانہ و مجذوب ہوا خوب ہوا

آنسو ؤں سے مجھے جنت کی ہوا آتی ہے میرا دل دیدہء یعقوب ہوا خوب ہوا

اس کی آوازِ قدم آئی زمانے لے کر لمحے لمحے نے کہا خوب ہوا خوب ہوا

اس نے اللہ کو اللہ نے اس کو چاہا کبھی طالب کبھی مطلوب ہوا خوب ہوا

حق تعالیٰ کی اطاعت ہے ،اطاعت اس کی میں جو محبوب کا محبوب ہوا خوب ہوا

میرے ہر سانس کا مقصود درود اور سلام ان کے دربار کا مندوب ہوا خوب ہوا

More Lyrics, Less Storage - Install the App and Ditch the Screenshots!

منفرد میری غزل نعت اچھوتی میری جو مظفر مرا اسلوب ہوا خوب ہوا