Mein Kese Maan Lun

Main kaise maan loon, dil mera door aap se hai Mira to rabt, raha hi huzoor aap se hai

Mire wajood mein laakhon charagh jalte hain Yeh roshni yeh ujaala yeh noor aap se hai

Har ek fikr se idraak ki mehak aaye Shaoor-aafrin, taht-ush-shaoor aap se hai

Download Lyrics & Access Offline - Install Our App Now!

Kabootaron ki tarah udte hain durood-o-salam Darakht-e-jaan pe hujoom-e-tuyoor aap se hai

Tasawwur aap ka, deedar-e-Haq karaye mujhe Nasheb-e-ishq mera koh-e-Toor aap se hai

Yahi suboot-e-hayat-e-pas-e-fana hai bahut Ke saari zindagiyon ka zahoor aap se hai

Likha tha aap hi ka naam azal ke maathe par Musallama hai to yaum-e-nashoor aap se hai

Bahut asar hai Abu Bakr ka Muzaffar par Kuch aisi is ko bhi nisbat zaroor aap se hai